ابني موقع احترافي بالذكاء الاصطناعي بدون مبرمج

مش «الكل». حدّد بدقة: مين الشخص اللي رح يدخل موقعك؟ شو المشكلة اللي عنده؟ شو بيدوّر عليه؟ وشو القرار اللي بدك ياه يعمله (يحجز، يتواصل، يشتري)؟ مثال لعيادة أسنان: الزبون مريض بيدوّر على عيادة قريبة، بده يعرف الخدمات والأسعار، وبده يحجز موعد بسرعة بدون مكالمة.

اجمع من ثلاث لخمس صور شاشة من مواقع عاجبتك قبل ما تبلش. هي المراجع البصرية رح تعطيها للأداة عشان تفهم ذوقك بالضبط. أحسن المصادر بالأسفل.

لا تترك الأداة تقرر. الأساسيات لأغلب المشاريع: الرئيسية، الخدمات، عنّا، التواصل، والحجز (لو بدك). حدّد كل صفحة ومحتواها قبل ما تبدأ.

روح على lovable.dev، سجّل حساب مجاني، واضغط New Project.

بدل ما تكتب «اعمل موقع لعيادة»، اكتب وصف كامل فيه نوع البزنس، الزبون المستهدف، الصفحات المطلوبة بالتفصيل، الستايل المطلوب، واللغة. شوف البرومبتات الجاهزة بالأسفل.

بعد الوصف، ارفع الصور اللي جمعتها وقلّه: «بدي التصميم بنفس ستايل هاي الصور، نفس الألوان وترتيب العناصر».

لا تطلب كل الصفحات دفعة وحدة. ابلش بالرئيسية، زبطها كاملة، بعدها انتقل للثانية. هيك بتطلع نتيجة أنظف وأسرع.

أول نتيجة غالباً مش مثالية. عدّل بطلب واحد بكل مرة: «كبّر الزر الرئيسي»، «غيّر اللون لأزرق غامق»، «حرّك قسم التقييمات لفوق». التعديل التدريجي بيعطي نتيجة أحسن.

لوفابل بتعطيك رابط مباشر فوراً. اشتري دومين من Namecheap أو GoDaddy (٥ لـ ١٠ دولار بالسنة) واربطه من إعدادات المشروع.

احكِ للأداة: «ضيف أنيميشن ناعمة على كل قسم لما المستخدم يسكرول. العناصر تطلع من تحت ببطء. استخدم Framer Motion». هاد التريك لحاله بيخلي الموقع يبان غالي.

أسهل طريقة: اعمل حساب على Calendly مجاناً، وقل للأداة: «ضيف زر «احجز موعدك» يفتح رابط Calendly بتاب جديد». أو اطلب نظام حجز داخلي يخزّن البيانات بقاعدة البيانات ويبعتلك إشعار.

أهم زر لأي بزنس بالعالم العربي. قل للأداة: «ضيف زر واتساب عائم بزاوية الشاشة، لما يضغط عليه يفتح محادثة مع الرقم [رقمك]، والرسالة الافتراضية: أهلاً، بدي أستفسر عن خدماتكم».

قل للأداة: «اعمل سيو كامل: عنوان ووصف ميتا لكل صفحة، عناوين بتسلسل صحيح (H1 واحد لكل صفحة)، وصف بديل لكل صورة، سرعة عالية، متجاوب مع الموبايل». بعد النشر، سجّل الموقع بـ Google Search Console وGoogle Analytics.