ليش RuFlo؟
بدل مبرمج واحد، عندك فريق متخصص: مبرمج، مختبر، مراجع، معماري، ومسؤول أمان وتوثيق. الذاكرة بتضل محفوظة بين الجلسات، والمهام البسيطة بتروح لنماذج أرخص. النتيجة: شغل أسرع وأدق، وفاتورة أقل لحد ٧٥٪.
All gifts
GuideinstagramJun 17, 20264 min read
RuFlo — خلّي Claude Code يشتغل زي فريق كامل
إعداد بخمس دقائق، ذكي، بيوفّرلك حتى ٧٥٪ من الفاتورة، ومفتوح المصدر.
RuFlo (اسمها القديم Claude Flow) إضافة بتركّبها فوق Claude Code، فبدل ما يكون عندك مبرمج واحد بيصير عندك فريق كامل: مبرمج، مختبر، مراجع، ومسؤول أمان، وكلهم بيشتغلوا بالتوازي بذاكرة مشتركة. وفيها راوتر ذكي بيرسل المهام البسيطة لنماذج أرخص فبتنزل الفاتورة بشكل ملحوظ. الدليل: التثبيت، أول تشغيل، التوفير، والمشاكل الشائعة.
الرحلة من الفكرة للنشر
💡IDEA
✨VIBE
📝PROMPT
🧠CLAUDE
⚡CODE
🚀SHIP
↻ ITERATE
المتطلبات
أشياء بسيطة لازم تكون جاهزة
- جهاز Mac أو Linux أو WSL على ويندوز
- Node.js نسخة 18 أو أحدث
- اشتراك Claude Pro أو Max مع Claude Code مثبّت
- مشروع شغّال (مش مجلد فاضي)
0
Step 0
ثبّت Claude Code أول إشي
RuFlo بتشتغل فوق Claude Code، مش بدالها. لو لسا ما عندك، ثبّته بأمر واحد:
npm install -g @anthropic-ai/claude-code
الطريقة الأولى — إضافة داخل Claude Code
الأنظف والأسرع
1
Step 1
افتح Claude Code جوّا مشروعك
من مجلد المشروع شغّل الأمر:
claude
2
Step 2
ضيف متجر إضافات RuFlo
جوّا الجلسة، اكتب هاد الأمر عشان يضيف المتجر:
/plugin marketplace add ruvnet/ruflo
3
Step 3
ثبّت الإضافات الأساسية
ابدأ بـ core و swarm بس، وزيّد لما تحتاج. كل إضافة اختيارية:
/plugin install ruflo-core@ruflo /plugin install ruflo-swarm@ruflo /plugin install ruflo-autopilot@ruflo
4
Step 4
أعد تشغيل Claude Code
لما يفتح من جديد، اكتب شرطة مائلة وشوف أوامر RuFlo الجديدة طلعت بالقائمة.
نصيحة
“ما تثبّت كل شي دفعة وحدة. بلّش بـ core و swarm، وضيف الباقي لما تحس إنك بحاجتهم فعلاً.”
الطريقة الثانية — من التيرمنال
لو بتفضّل سطر الأوامر
1
Step 1
تثبيت بأمر واحد
أسرع طريق، بيشغّل المثبّت الرسمي مباشرة:
curl -fsSL https://cdn.jsdelivr.net/gh/ruvnet/ruflo@main/scripts/install.sh | bash
2
Step 2
أو بدون تثبيت دائم
بيفتح معالج إعدادات بيمشيك خطوة خطوة. الإعدادات الافتراضية ممتازة، فقط دوس Enter:
npx ruflo@latest init --wizard
اربط RuFlo كـ MCP
خلّي Claude يستدعي أدوات RuFlo بنفسه
1
Step 1
سجّل الخادم
شغّل هاد الأمر، وبعدها أعد تشغيل Claude Code (الـ MCP بيتسجّل عند بداية الجلسة فقط):
claude mcp add ruflo -- npx -y @claude-flow/cli@latest
أول تشغيل للفريق
اختبار سريع يثبتلك إنه شغّال
1
Step 1
افتح مشروع حقيقي
مش مجلد فاضي. الفريق بدّو كود فعلي عشان يشتغل عليه.
2
Step 2
اطلب منهم تدقيق شامل
الصق هاد البرومبت. الراوتر بيوزّع المهمة، العملاء بيشتغلوا بالتوازي، والعميل الرئيسي بيجمعلك النتائج بتقرير واحد:
Spawn a swarm to audit this codebase: one agent for security, one for test coverage, one for documentation, one for architecture review. Summarize findings into a single report.
نصيحة
“أول تشغيل بكون أبطأ لأن الذاكرة لسا فاضية. بعد كم تشغيل على نفس المشروع، الفريق بصير أسرع وأدق بشكل واضح.”
شغّل التوفير الذكي
الجزء اللي بنزّل الفاتورة لحد ٧٥٪
1
Step 1
ثبّت إضافة المزوّدين
بتعطي RuFlo القدرة يوزّع المهام البسيطة على نماذج أرخص:
/plugin install ruflo-ruvllm@ruflo
2
Step 2
ثبّت Ollama لطبقة مجانية على جهازك
لما يكون Ollama شغّال محلياً، المهام البسيطة بتصير ببلاش بالكامل:
curl -fsSL https://ollama.com/install.sh | sh ollama pull llama3.1
3
Step 3
تابع التوفير بعينك
ضيف إضافة تتبّع التكلفة عشان تشوف التوفير لحظة بلحظة وتحدّد ميزانية يومية:
/plugin install ruflo-cost-tracker@ruflo
أهم الإضافات
اللي تستاهل تبدأ فيها
| الإضافة | وظيفتها |
|---|---|
| ruflo-core | أساسية. الخادم وفحوصات الصحة. |
| ruflo-swarm | تنسيق الفريق. الميزة الرئيسية. |
| ruflo-autopilot | بتخلّي العملاء يشتغلوا بحلقة كاملة بدون تدخل. |
| ruflo-rag-memory | بحث متقدم في ذاكرة الكود. |
| ruflo-testgen | بتكتشف الاختبارات الناقصة وبتكتبها لحالها. |
| ruflo-security-audit | فحص ثغرات أمنية. |
| ruflo-cost-tracker | متابعة الميزانية والتنبيهات. |
| ruflo-ruvllm | توجيه ذكي بين المزوّدين. |
حل المشاكل الشائعة
أكثر الأخطاء اللي بتصير
أوامر plugin مش طالعة
حدّث Claude Code لآخر إصدار، نظام الإضافات نزل ببداية 2026.
أدوات MCP ما ظهرت
أعد تشغيل Claude Code بعد إضافة الـ MCP، بتتسجّل عند بداية الجلسة فقط.
الفريق بطيء بأول تشغيل
هاد طبيعي، الذاكرة فاضية. شغّل كم مهمة على نفس المشروع وبتلاقي السرعة قفزت.
ما حسّيت بتوفير
تأكد إن إضافة ruflo-ruvllm مثبّتة، وعندك مزوّد رخيص واحد على الأقل (Ollama أو Gemini Flash).
الملخص بخمس خطوات
كل شي بنظرة واحدة
خارطة الإعداد
| # | الخطوة |
|---|---|
| ١ | ثبّت Claude Code، وضيف متجر RuFlo |
| ٢ | ثبّت الإضافتين الأساسيتين: core و swarm |
| ٣ | اربط الـ MCP من التيرمنال |
| ٤ | شغّل أول مهمة تدقيق على مشروع حقيقي |
| ٥ | ضيف ruflo-ruvllm مع Ollama للتوفير الكامل |
نافذة Claude وحدة، فريق كامل، وفاتورة أقل. بلّش بأشياء آمنة (مراجعة كود، توثيق، تدقيق) على مشروع واحد، خلّي وضع Autopilot مطفّي بأول كم يوم، وخلّي الذاكرة تتراكم قبل ما تسمحلهم يكتبوا كود لحالهم.
بدك مساعدة بالتركيب؟
خلّيني أركّبلك الفريق
إذا حابب أساعدك تركّب RuFlo على مشروعك، وتزبّط الراوتر والتوفير من البداية، احكيلي على إنستغرام وبنرتّب الموضوع.
تواصل معي على إنستغرام— Abdallah
Get the next guide by email
One email per new video. No spam, unsubscribe anytime.
More gifts
GuideSep 12, 2026
قناة يوتيوب بالذكاء الاصطناعي بدون ما تظهر
ابني قناة يوتيوب كاملة بالذكاء الاصطناعي — سكريبت، صوت، مرئيات، مونتاج، ونشر — وما حدا بيشوف وجهك.
6 minOpen
GuideSep 9, 2026
Claude Code + Obsidian — دماغ ثاني بيصير أذكى مع الوقت
احفظ كل معرفتك بمكان واحد — وخلي Claude يقراها ويفهمها ويجاوبك منها.
5 minOpen
GuideAug 29, 2026
دليل كامل — ابني قناة كارتون أطفال بالذكاء الاصطناعي
من فكرة قصة لفيديو جاهز للنشر — بنفس الشخصيات والستايل
3 minOpen