عبدالله خطاطبة

بلّشت أبني مواقع كفريلانسر سنة 2019. أول عملائي كانوا أصحاب مشاريع صغيرة بدهم شي شغّال بسرعة، ومن هون تعلّمت إنه المنتج بيتقاس بالاستخدام مش بالشكل.

بعدها فتحت وكالة. اشتغلنا على مشاريع كثير بنفس الوقت، وسكّرتها لما اكتشفت إني بحب أبني منتج واحد صح أكثر من عشرين مشروع بالنص.

من يومها وأنا ببني منصات وتطبيقات: تعليم، عيادات، متاجر، وأدوات أتمتة. بشتغل على المنتج كامل، من الفكرة للنشر على المتاجر.

آخر سنتين صار الذكاء الاصطناعي يغيّر طريقة شغلي كلياً، فقررت أعلّمها بالعربي. اليوم بشارك كل اللي تعلمته مع أكثر من 100 ألف متابع، وكل فيديو إله دليل مكتوب هون.